Isa siguro sa mga uso ngayon ay ang ligawan gamit ang makabagong teknolohiya, ano?! Marami akong kakilala at may mga karanasan tungkol dito. Kahit ang inyong lingkod ay isa rin sa mga ito. Haha. Noon, beeper lang. Pero hindi ako nakagamit nito sa totoo lang. Then, cellphone. Black and white pa at naghahari ang Nokia. Wala pa yang Sony Mobile, Samsung Mobile o kaya iPhone ng Apple. Si Steve Jobs busy pa yan sa pag-produce ng iMac at wala pang ideya kung ano ang iPhone. Haha.
Balik tayo sa napaka-hightech na Nokia. Pero inferness, (haha. natawa sa sarili) Pinakasikat talaga ito noong araw. Promise! Tantananan. Introducing Nokia 3210. Masaya ka ng makapaglaro ng Snakes at Memory at satisfied na sa konting ngiting dulot ng laro. Naalala ko pa nga noon. May commercial pa ito sa MTV. Lupit, diba. Sikat. Tsk.
Marami diyan. Mahilig mang-buladas ng mga babae. Haha. Batu-bato sa langit, ang tamaan dapat magalit! Wattaterm! Buladas. Mga bolero. Hoy! (kasama sarili) Kailangan lang makuha ang number at siya na yan. Kaso dahil walang pang-load, poor si pogi, ida-daan na lang sa chat. Pwedeng Line, Wechat, Viber, Kakaotalk. Name it. Sosyal, di ba?! Naka-internet. Total libre WIFI. Punta ka lang sa mall. Sa SM. Pwesto ka sa Hotspot. Naku! Pwede ka ng mag-FB, Twitter at kung ano pang sites na gusto mo. Swerte na lang kung konti pa ang tao. Haha. Lagi kaya akong limited connectivity diyan. Malas, di ba? Lalo na ngayong may Free FB ang Globe. Hindi ko alam kung na-extend pa. Tsk, one to sawa ang mga peoples. Hindi na natutulog yung iba. Nakikisabay sa mga Graveyard Shifters. Parang Shapeshifters lang tunog ah. Haha.
Ang pinagtataka ko lang ay kung bakit napaka-makapangyarihan ng buladas, ano? Anong meron sa mga bolerong to? Haha. Para lang kanta ng APO na ni-revive ng Imago na pinamagatang Ewan na may lyrics na Mahal kita, Mahal kita, hindi to bola. Tsk. Wala pang personal contact. Wala pang picture. Wala pang kahit ano. Ise-set pa lang kung kelan makikipag-eyeball. Yun e kung mag-click ang pambobola. Binibilog ka! Kung baga, salita lang. Panalo na! Naga-iloveyou na kahit hindi pa nagkikita. Oo. Mahal kita. Una palang kita makita, tinamaan na ko. Naramdaman ko kaagad. Nakakasilaw ang ganda mo. Natutunaw ang puso ko. Yung boses mo parang anghel. Mas matindi pa sa kanta ng Savage Garden na "I knew I loved you, before I met you." Parang isang candy na natutunaw sa labi ang kanilang mga salita. (Mga salita pala namin. Kasama ako). Matamis at nakaka-addict. Parang coke lang na addictive. Sorry hindi ako nagso-softdrinks. Sumasakit tiyan ko diyan.
Alam ba ninyo na may mga taong nanghaharana sa cellphone? Haha. Kung noong panahon ni Kopong-kopong, ang mga nanliligaw ay dumadayo pa sa kabilang baryo kasama ang isang dimakmak na barkada na todo porma at may dalang gitara, ngayon cellphone na lang ang labanan. Haha. Hindi na uso ang "Dungawin mo Hirang ang nananambitan." Hindi dahil hindi sila marunong kumanta. Ito ay dahil ang mga bahay ngayon ay wala ng terrace. Haha. Puro bakod pati. May gate pa. Mayroon pang Rottweiler, Pitbull o kaya Doberman na nakabantay kapag mayaman yung girl. E saka't hindi kayamanan. Askal lang ang bantay. Mas matindi yun. Rabies ang kalaban. Haha. Lagot tayo diyan. Pero ang problema talaga ay ang pagiging delikado ng lugar tuwing gabi. Mahirap na. Baka maisahan, di ba? Isa pa, yung long distance. Yan ang marami. Para lang Magkabilang Mundo ni Jireh Lim na may lyrics na Dito ay umaga at diyan ay gabi. Ang oras natin ay magkasalungat. Hehe.
Nakakatuwa din naman talagang mangharana sa phone. Nasubukan ko na yan. Ni-kikilig siya sa akin as in. (Reminiscing the Past ) Nakakailang set ako ng kanta parang concert lang na walang practice at siya ang audience ko. Haha. Try niyo! Promise. Pwede rin sa Skype. Naku, mas effective. 200 pogi points yan. Kahit hindi pogi. Haha.
Walang komento:
Mag-post ng isang Komento